Jóhann Gísli

Netið mætt á svæðið....

2009-11-17T06:50:00.000-08:00

Jæja nú loksins er netið komið heim aftur eftir að það hafði yfirgefið okkur í tæpa 2 mánuði!! Og fyrir þau ykkar sem hafa ekki lent i því að vera yfirgefin af internetinu, þá er það ekkert djók, með erfiðari tímum lífs míns!
En nóg af því, núna hef ég líka enga afsökun fyrir því að nenna ekki að blogga og því skal ég lofa því að vera duglegri hérna.
Síðan ég koma hingað út hef ég haft mun meiri frítíma á mínum höndum en ég hafði áður vanist og flestir mundu þá halda að ég mundi nota þann tíma vel og gera margt og mikið uppbyggilegt........en nei svo er ekki! Ég hef komist af því að eftir því sem ég þarf að gera minna og hef minni skyldur því latari er ég, sem henni mömmu minni þætti nú ekkert rosalega jákvætt því henni fannst ég nú nógu latur fyrir (þó ég sé algjörlega ósammála því). Einfaldir hlutir eins og að blogga, fara út í búð eða leyfa sólinn að skína aðeins á mig verða mjög erfiðir viðureignar og nánast ómögulegir þegar ég hef svona mikinn lausan tíma. En nú mun það breytast! Allavegna að einhverju smá leyti, ég ætla allvegna að vera duglegri að blogga!

Frá því að ég skrifaði seinasta hefur talsvert gerst handboltalega séð, ég held að við höfum spilað 4 leiki síðan þá og það hefur nú ekki gengið neitt allt of vel, við unnum 1, 1 jafntefli og 2 töp sem er alls ekki ásættanlegt þar sem við eigum að vera með eitt af topp 4 liðinum hérna! Síðasta miðvikudag var svo skrifaður nýr kafli í íslenska handboltasögu þegar fyrsti íslendingaslagurinn í grískum handbolta átti sér stað, þá spilaði mitt lið við Ragga Njáls. félaga í Theramikos. Leikurinn var á heimavelli þeirra og náðum við loksins að spila að eðlilegri getu og unnum sanngjarnan 5 marka sigur. Ég spilaði bara nokkuð vel og setti held ég 4 mörk og spilaði fínan varnarleik. Raggi njáls var fyrir því óláni að fara úr lið á putta og spilaði því mjög lítið. Hann bætti það hins vegar upp með því að setja 17 mörk í 2 leikjum um helgina í evrópukeppninni! Næsti leikur hjá okkur er svo á laugardaginn á móti liði sem ég held að heiti Lucas en gæti samt heitið Doukas en það skiptir ekki öllu heldur er það sigur sem skiptir öllu máli þar. Þar sem við byrjuðum jú með -4 stig þá verðum við að ná í öll þau stig sem við getum til að komast í toppbaráttuna.

Af öðrum málum þá mun ég að öllum líkindum koma á klakann þann 23. des, mun fljúga héðan 22. des til london og hitta Rúnar G. sem kemur á sama tíma til london frá madríd og þar er svo planið að geyma töskurnar á flugvellinum taka lest í bæinn takk eitt stk. gott djamm þar og vona að við náum aftur á flugvöllinn aftur morguninn eftir til að fljúga heim. Veðbankar eru víst farinir að taka við veðmálum um það hvort við munum missa af fluginu okkar til ísl. og eru líkurinar víst ekki okkur í hag. Ég yfirgef svo landið aftur 5. jan.

En þá ætla ég ekki að hafa þetta lengra að sinni

Kveðja frá Greece

ást og friður Jóhann

Jæja loksins nýtt blogg!

2009-10-17T00:56:00.000-07:00

Nú er liðið talsverður tími frá því að ég bloggaði seinast og er ástæðan sú að netið mitt ákvað að hætta að virka og síðan þá er ég búinn að reyna allt sem vodafone hefur sagt mér að gera til að laga það, en þeir vita greinilega minna en ég um internetið góða og því hefur ekkert að þeirra góðu ráðum virkað og er netið ennþá niðri.

Er ekki rétt að fara í stuttu máli yfir það sem hefur gerst síðan ég bloggaði seinast, við erum búinir að spila 2 leiki í viðbót, annar leikurinn var á Krít á móti liðinu þaðan og hann fór jafntefli eftir að við höfðum verið 7 mörkum yfir í byrjun seinni hálfleik. Ég gat ekki spilað þann leik vegna meiðsla og vill ég meina að það hafi verið ástæðan fyrir jafnteflinu. Síðan spiluðum við annan leik nokkrum dögum seinna á móti liði sem heitir Kilkis og sá leikur vannst með 6 eða 7 mörkum. Ég spilaði um 40 min í þeim leik og spilaði bara nokkuð vel og setti 4 mörk. Þannig að eftir 3 leiki á tímabilinu erum við búnir að vinna 2 leiki og 1 jafntefli og ættum því að vera efstir í deildinni en sökum þess að við byrjuðum með 4 stig í mínus erum við bara með 1 stig!:)

Núna er ég staddur á hóteli einhverstaðar í norður Grikklandi u.þ.b. 8 tíma frá Aþenu og klukkutíma frá næst stærstu borginni hérna Tessaloniki. Við erum að fara spila leik á eftir á móti liðinu héðan (sem ég man bara ekki alveg hvað heitir). Ég er orðinn svona 90% heill af meiðslunum mínum, það eina sem er að bögga mig núna er öklinn minn sem bólgnar alltaf fallega upp eftir hverja æfingu og leik, en ég ætti samt að geta spilað á fullu í dag og býst fastlega við því að vera í byrjunarliðinu.

Við Magga erum búin að fá fyrstu heimsóknina til Aþenu og það eru Mamma og systur hennar Möggu, mjög góð tilbreyting að fá heimsókn þannig að allir þeir sem vilja koma í heimsókn eru meira en velkomnir. Seinasta vika fór þess vegna mikið í allskonar túrista dót sem var bara gaman, nema kannski þegar þær náðu að plata mig í verslunarferð.....sem var ekki eins gaman fyrir mig. Svo er planið að fara á akrapólis á sunnudaginn þegar ég verð kominn aftur heim.

Fyrir utan þetta þá er lítið að frétta, lífið gengur eins og venjulega og lítið hægt að kvarta, nema hvað að veðrið er aðeins farið að breytast, farið detta inn rigning einstaka sinnum og hittinn dettur undir 20 gráður á kvöldin....

En já ég er farinn að horfa á fangavaktina og slappa af fyrir leikinn

Kveðja frá Greece

Fyrsti leikur og fleira...

2009-09-29T04:15:00.000-07:00

Jæja þá kom loksins af því að undirbúningstímabilið endaði og deildin byrjaði, fyrsti leikurinn okkar var á heimavelli við lið sem heitir Argos sem er staðsett svona klukkutíma fyrir utan Aþenu.

Ég er búinn að vera e-ð meiddur síðustu 2 vikur og hef ekki getað æft á fullu en var nú samt í byrjunarliðinu í þessum leik, spilaði sem vinstri skytta í sókn og fyrir aftan í 3-2-1 vörn. Leikurinn byrjaði á því að við vorum lamdir í spað, hitt liðið hafði ekki mikinn áhuga á að spila handbolta fyrsta korterið en því meiri áhuga á því að slást (ekki það að það henti mér e-ð illa:) ) En já sem sagt eftir korter þá vorum við 2 mörkum yfir og þeir búinir að fá 5x 2 min fyrir allt mögulegt, kýla í andlit, rífa aftan í og rífa kjaft við dómarann. Þanngað til þarna var ég nú bara búinn að spila nokkuð vel, vel varnarlega og með einhverjar 2-3 stoðsendingar og 2 fiskuð víti en þá tók ég uppá því að snúa mig á öklanum ofan í bakmeiðslin. Ég fór út af og lét teipa þetta eins fast og mögulegt var þannig að ég fann ekki fyrir fætinum og koma aftur inná í lok fyrri hálfleiks en gat lítið hreyft mig og fór aftur út af. Í seinni hálfleik gat ég svo ekkert spilað en liðið spilaði fínt og við enduðum á að vinna leikinn með 6 mörkum sem er nú alveg ásættanlegt í fyrsta leik, en liðið sem við spiluðum við er nú ekki talið eitt af toppliðunum hérna.

Eftir sigur í fyrsta leik erum við neðstir í deildinni með -2 stig, þar sem við byrjum með -4 stig vegna þess að liðið mitt ákvað að sleppa að taka þátt í evrópukepnninni og ákvað deildin þá að refsa þeim með þessum hætti....sem er alveg æðislegt! Ég get nú alveg verið sáttur með minn þátt í leiknum þó hann hefði mátt vera meiri, en mjög svekkjandi að vera meiddur í fyrsta leik og ég er ennþá með e-ð vesen í bakinu sem enginn veit hvað er, en er að fara til einhvers baksérfræðings í dag sem ætti að geta fundið það út!

Næsti leikur er svo á miðvikudaginn í næstu viku á móti liði frá Krít á útivelli, þannig að ég fer til Krítar í næstu viku sem er ekki slæmt og svo er strax aftur leikur á laugardeginum eftir það. Fyrir okkur þá þýðir lítið að vera tapa stigum núna í byrjun móts þar sem við byrjum með mínus 4 stig.

Fyrir utan handboltan er lífið bara mjög ljúft hérna, ennþá mjög gott veður hérna, svona 23-28 gráður á daginn og sól:) Dagurinn minn er yfirleitt mjög ljúfur, á virkum dögum vakna yfirleitt svona 9 og fæ mér að borða og fer svo annað hvort á lyftingaræfingu eða í sjúkraþjálfun eftir æfinguna fæ ég mér svo að borða með nokkrum strákum úr liðinu á veitingarstað á æfingarsvæðinu. Ég er svo kominn heim svona milli 1-2 og þá tekur bara við chill, playstation, netið, tv, leggja sig eða kannski einstaka sinnum kíkja úti búð með henni Möggu minni og ennþá sjáldnar að þrífa:) Svo er aftur æfing um kvöldið og þá bara venjuleg handboltaæfing, yfirleitt frá svona 7-9. Eftir æfingu er mismundani hvað ég geri, boðra stundum með strákunum úr liðinu eða fer heim og elda e-ð með Möggu eða við förum út að borða. Þetta eru svona nokkurnveginn hvernig virku dagarnir hjá mér eru, svo um helgar eru yfirleitt leikir á laugardögum og svo frí á sunnudögum þannig að þá getur maður kíkt út og gert e-ð sniðugt. En já þá hefuru það Hr. Claessen, svona er líf atvinnumannsins.....Ég get kannski lagt inn gott orð fyrir þig hérna hjá körfuboltaliðnu, það er mjög gott körfuboltalið í sama liði og ég er, enduðu held ég í 5. sæti í úrvalsdeildinni hérna í fyrra..Ég redda þessu fyrir þig og þú kemur hingað út!

En já þá er komið nóg í bili....

Kveðja frá greece

Smá um handboltann...

2009-09-21T15:32:00.000-07:00

Nú er ég búinn að vera hérna í að verða 7 vikur sem er 4 vikum lengur en ég hef áður verið að heiman. Hingað til er nú flest bara búið að ganga vel innan vallar sem utan.

Ég ætla að tala aðeins um liðið sem ég er í, Panellinos. Síðasta tímabil þá urðu þeir í 2. sæti í deildinni og töpuðu svo í úrslitakeppninni fyrir P.A.O.K, liði sem Kiddi Bje var hjá fyrir 2 árum. Mitt lið var efst í deildinni mest allt tímabilið en tapaði svo nokkrum stigum í lokin á tímabilinu og endaði í 2. sæti. Hérna er svo smá myndband frá leik úr úrslitakeppninni í fyrra, PAOK-Panellinos

Liði hefur misst nokkra leikmenn frá því í fyrra en fengið að ég held 6 nýja leikmenn og erum við með nokkuð sterkt lið og er stefnan tekinn á efri hlutann í deildinni. Við erum með 2 mjög góða hornamenn í sitt hvoru horninu og eru þeir báðir í gríska landsliðinu, annar þeirra eru búinn að spila nokkur ár í Þýskalandi, bundesligunni og 2. deildinni þar. Svo erum við með serba í hægri skyttunni sem er 22 ára og er mjög góður leikmaður, 2 gríska miðjumenn og annar þeirra hefur spilað einhverja leiki með landsliðinu, mig og annan ungan strák úr gríska u-20 ára landsliðinu í vinstri skyttu. Línumennirnir eru örugglega slakasta staðan hjá okkur, en þeir eru ekki alveg með það á hreinu hvað það er að blokka en bæta það kannski upp með því að vera allir mjög góðir að klára færin sín. Aðal markmaðurinn er svo hávaxinn strákur frá serbíu og er mjög góður.

Í æfingarleikjunum hingað til hefur vörnin verið okkar sterkasta hlið, við erum búnir að spila 9 leiki, fengum 28 mörk á okkur í einum leik sem var okkur slakasti leikur á móti liði frá kýpur en í hinum leikjunum höfum við aldrei fengið yfir 24 mörk á okkur sem er nú nokkuð gott en það hefur kannski vantað smá uppá sóknarleikinn. Mér hefur gengið nokkuð vel, búinn að vera spila svona 40-50 min í leik sem vinstri skytta í sókn og svo fyrir miðju í 6-0 vörn. Er reyndar ekki búinn að geta æft 100% í 10 daga núna, er e-ð meiddur í bakinu og búinn að vera í sjúkraþjálfun alla vikuna. Sjúkraþjálfunin er aðeins öðruvísi en heima, fyrsta sem var gert við mig eftir að ég hafði sagt að ég sagði sjúkraþjálfaranum hvað væri að mér var stinga sprautu í rassinn á mér....þetta hefur síðan verið gert daglega síðan síðustu 10 daga og er rassinn minn farinn að líta út eins og bossinn Ronnie Coleman vini mínum. Þetta er samt að hafa einhver áhrif því ég er allavegna orðinn mun betri og mun vonandi ná fyrsta leik sem er eftir 4 daga og mun ég vonandi geta æft á fullu í dag.

Annars nenni ég nú ekki að hafa þetta lengra í dag....

Kveðja úr 25 stiga hita og sól

Blogg....

2009-09-21T15:31:00.000-07:00

Nei árið 2004 er ekki komið aftur en samt er ég að blogga…en vegna fjölmargra áskoranna(2) þá hef ég ákveðið að blogga um dvöld mína hérna í aþenu.

Ég mun aðallega nota þetta blogg til að kvarta yfir einhverju sem er að bögga mig hérna eða monta mig yfir einhverju skemmtilegu sem ég geri. Og svona til að byrja með þá ætla ég að gera stutt yfirlit á því sem ég hef gert og komið fyrir mig, skemmtilegt og leiðinlegt, síðan ég kom út…

Skemmtilegt:

1. Fór á leik í undankeppni meistaradeildarinnar, Panathinakos-Atletico Madrid sem var awesome!

2. Fór á MGMT tónleika sem voru ekki leiðinlegir

3. Fór á æfingarmót á Krít

4. Skoðaði Akrapolis(rétt skrifað?) og það var nokkuð kúl

5. Fann bestu súkkúlaðiköku í heimi!

6. Hitti Ronnie Coleman….sem er klárlega það besta sem ég hef gert hingað til!!

Leiðinlegt:

1. Er meiddur (er samt að verða betri)

2. Varð rafmagnslaust í miðri hamborgaragerð…..var frekar pirraður og bölvaði Grikkjum mikið og þeirra rafmagni!

3. Netið mitt er leiðinlegt og vill oftar en ekki hætta að virka

4. Fór á Inglorius Bastards í bíó hérna en vissi ekki að hálf myndin var á þýsku og frönsku…..stúdentsprófið mitt í þýsku skilaði mér því að ég skildi svona 5 orð í þýskuhlutanum

5. Þó að maturinn hérna sé nú frekar góður þá mætti einhver kynna grikkjum fyrir sósum, einu sósurnar sem þeir þekkja eru tómatsósa og sinnep!

En já þetta er nóg í bili, er latur og á örugglega ekki eftir að skrifa langar færslur hingað inn.

Kveðja frá Greece